Persónur og leikendur: Viðauki:

Ef maður væri í óperunni og allt í einu birtist ný persóna á sviðinu án nokkurrar kynningar og án þess að hennar væri getið í prógrammi yrði maður sennilega dálítið ruglaður. Maður gæti haldið að tónskáldið (eða líbrettistinn, eða bæði/báðir/báðar) hefði skyndilega ákveðið að breyta söguþræðinum aðeins á síðustu stundu, nú eða þá að prógrammið væri bara illa unnið. Nú ætla ég ekki að fara að skrifa óperulíbrettó upp úr veru minni hér í Köben (hún fengist aldrei sett upp, allt of mikið af nördaskap:P) en því verður ekki neitað að þessi síða gegnir að sumu leyti hlutverki prógramms fyrir þá sem vilja fylgjast með því hvað ég er að gera. Því þykir mér orðið nauðsynlegt að hér sé kynnt til sögunnar ný aðalpersóna sem hefur haft mikil áhrif á söguþráðinn frá því hún kom inn á svið fyrir nokkru síðan; kærastan mín, Guðný Einarsdóttir. Hún er sætust, best og skemmtilegust í heimi (kemur lesendum sennilega ekki mikið á óvart:P) og alveg magnaður organisti. Þar hafið þið það:)